35
Apang anake luh dogen "masare cara Ratu" rep? A-nake muani apang dadi "masok gedenan" ngodag-odag! Anake luh apang "nahar uyah aji muncuk jri ji" ngun-tul, anak muani apang dadi "makudatan Bima" ngura-ngada! Anake muani bes sing pesan nyak "makibul da wa" nyikut-nyikutang karaga............"
I Made kedek miragi Ida asapunika, raris ipun mapajar, "Toja ja Ratu" ngambuk mesuang basang "ma-bladbada!"
I day ica ngrikgik, I Sari ngelkel ipun kedek.
"Aruh, kalhanga dogen teken I Made.........."
"Kadong ngrawesang keto; Made nawang ane madan Embok Kade Dimba?"
"Ten wenten, saking dija?"
"Uli Karang Sunantaya, dangin Karang Tegale di ni suba di Sasak. Aduh, padalem Yang Embok Kadek tawang! Sabilang inget kangen baana Yang teken un-duko. Ento mara anak lacur paundukan, Jumahne sing kuangan apa, makurenan nglawan anak magajih gede, nanging lacur. Beli Putu Raga adan kurenanne, kenal Made teken beli Putu?"
"Tan wenten pisan, ring dija kocap makarya?"
"Di Kuta, dadi empoye Kantor dagange disitu, Ento panunggalan sih makurenan. Ane muani bagus, magajih gede, motor gelahanga. Apa sing gelahanga? Apa sing belianga, laada Embok Made..........."
"Dados laada?", asapunika I Made meliwat rawes Idane.
