33
"Yakti, padalem masih Ratu bes dados nomer dasa nyen, nggih; yening batak patpat, lalima madue rabi Ida, titiang tan pacang pariboya. Anak madue, pantes cara irigane deriki."
"Apa koraang, De? Ibane tan pariboya?....Patpat, laima mainang ragane bani paak?"
"Ba, jabag pesane Idan ngangsan."
"Men, Made juari ja Yang nyabagin."
"Titiang nyen jabag ring Ida, dados?"
"Be, kadena raganne nagasai matata ngrawes. Dadi! Made dogen dadi nyabagin Yang, bes Yang mautang u-rip, to: yan sing Made nyaup Yang, meh dadi jaja, pakes Yang, lilig motor."
"Inggiiih! Punika makrana Ratu dados jabagin titiang?
"Men apa? Idepang Yang mayah utang teken Ma..."
"Sing nampi, sing nampi!"
Ica I Dayu. I Made sareng I Luh taler kedek sami
"Buin ja maikita nglipetin rawese i busan. Made di buka anake cumpu, yan ada anak ngelah rabi, ku-tenan, batak patpat, lalima, adi keto ja Made? Bes ka gumin Badunge Made masekolah jani nu ngaba pai-tungan keto?"
"Mangkin, mangkin te Dayu. Mangkin te, sampun-nang matbat sekolahan titiange. Pirengang atur ti-tiange nggih? Diastu patpat, lelima madue rabi, ku-renan, lamun enteg? Lamun pateh antuka? Punika ta-ler cumpuin titiang!.
