11
"Inggih! Aturin deriki, ten jerone kayun"
"Nah, tiang mani teka. Kalahin Wak!"
"Margi, margi."
............................................
Wengi sampun. Wenten pukul pitu. Ring Mataram makecan-kecan, ricu. Wenten atengah jam.
Wau rauh motore ring pakarangan pasanggrahan ring Suranadi, mandorenya nyagjag tur nyapa sang wau rauh,
"Tuan, mau menumpang disini?"
"Ada kamar tinggal kosong?"
"Ada tuan kebetulan tadi seorang tamu berangkat, jadi ada kamar kosong sebuah."
"Sebuah?" I Made ngon tur ipun mapapas lihat ring Dayu Priya. Palihatnya sakadi mataken ring ida, "Sapunapiang mangkin?"
"Ya sebuah, kan cukup Tuan dari Nyonyah saja, babu boleh tidur disini sama anak saya perempuan."
Dayu Priya kabilbil pisan swabawanida tur ida mamengos, "Mimi, kadena makurenan iraga." Sapunika ida ring pakayunan.
"Ya, baik! Barang-barang saya, coba turunkanlah!"
"Ye, kenken ja kenehne I Made jani?" nanging ring pakayunan kewanten I Dayu ngrumun.
"Ratu! Ratu sampun irika, mangda I Luh ngiring;
