Kaca:Malancaran ka Sasak.pdf/17

Saking Wikisource
Kaca puniki kavalidasi

9

"Wak Ali. Data takenang Ratu. Margi pakayunin dumum, dija mangkin Dayu makolem?"
"Manawi ta wenten mingsikin Dayu iriki?"'
"Eda ja, De. Aruh, juari sing Yang kemo, bes sing taen kemo. Ipidan undangida Yang sing nekain, jani juari ngajorjor nyilih pasarean"
"Yening titiang purun ja iriki. Yening Ratu kobet manawi?"
"Kobeeet tiang jero Made! Iiiih, dadi jero Made dini. Jero Konong!"
I Made sareng Luh Sari kedek ngakak.
Raris supire matur. "Tuan, terlalu lama saya tunggu. Barang belum boleh turun?"
"Tunggu, tunggu sebentar!"'
"Made sing ngelah kantenan len dini?" kenten pangandikan I Dayu.
"Wenten, nanging durung ja becik pisan pakantenan titiange sakadi sareng beli Ketut iriki.
Titiang taler ten purun, juari, mrika nyelang dunungan. Biih, gedege. Ratu sampunang duka! Lali pisan titiang nitipin surat beli Ketut. Ampurayang Ratu, leman titiang!"
"Nah, da suba lantanganga. Diapin lingang ragane jani, ada sing bakal dunungan len. Ada pasanggrahan keto dini, De?"
I Made jengah.
"Aduh jengahe, adenan idewek benduinida, padaang teken kene melah-melah pangandikanida," sapunika i-