143
pedas ia kasambat jele di gumine, pedas ia murug agama. Nah agamane ne matulis di lontare wiadin dibukune, sing te jani ento anggon nambakin I Raksasa apang sing ia nden nguragada.
Nanging yan jani iraga nambakin I Raksasa, konden dadi mateges nglebin dewane di raga, konden ento mateges bisa ngadakang meleh.
Saja, De, oo De! Mapucuk melah pesan ada agama, Yan sing ada agama, mimi, paseliwer Raksasane, apa ia dadin jagate? Nanging api sing pesu Raksasane upama, yan dewane di raga masih sing medal, apa ia isin jagate? Sing Sunia?
Yan dadi baan, I Raksasa apang sida baan nambakin; Dewane apang medal masih, mara ja melah, oo De?
"Bik, Embok Putu; yan sida baan nambakin Raksasane dogen suba melah adanne. Ten kaliwat sukil Embok, yen nambakin Raksasa, len ngaturin Dewane medal."
"To, ba, ane sukil nyandang plajahin, ya sida baan napak ambat ia luungne?"
"Yakti Tu," I Made matur ring I Dayu. Aling aling Raksasne dados lengkungan dados cangkit, dados Pan Balangtambakin, yening Dewane tan wenten ngraksa aling-aling punika, taler rug jagate."
I Dayu kenyem, "Sangkal buat dados rawese, Embok? Ngiring sane tenggelan!"
"Yakti Tu," asapunika masaur I Made.
