137
agari, Amlapura!"
"Apa artin kruna Amla-ne, De?" sapunika pitaken Ida I Dayu.
"I Made nyaurin pitakenida, taler antuk pitaken, Nyandang manik Geria Sirikanne mataken ring janma sakadi titiang?"
I Dayu mandreng sawitranida, sane teleb wor guyu matur ring Ida; pasuryanida irib nyelsel atur I Made ne asapunika; miban wacanida ngendas ring pasuryan Ida asapuniki, "Ooo, Made, ngade Yang seneg pesane? Api Yang bakal mamanjak teken Beli Made Ngurah, alah Smara, buka rawes Madene, atin Yange, keneh Yange , atman Yange, nyen ja ngelahang? Made sedih duhkita ? Yang nikelin sedih Yange, jani Made ngulgulin Yang? Keto perah anake cinta sejati?"
I Made nguntuk wau asapunika tonipun pasuryanida, irib Ida ngidih olas I Madene, mangda usal ngulgulin kade ne i wau. Pradnyan I Dayu nyaruan kabilbil I-Madene antuk pataken sakadi ne i ketuni.
"Apa to artin kruna Amla-ne, De?"
"Punika Embok Putu takenin, masa dane ten uning!"
Raris manis nyunyur Mekel Putu Sawitri ngamedal-ang bawes, "Mimi, Made, da ja buka rawes Melayune 'mempermalukan' timpal kuda? Aturang ja raga-raga, ma-sa Made sing nawang artin kruna Amlane!"
"Ha, ha ha!" Jag asapunika I Dayu ica; wiakti mampung atin sang mireng, sang miragi; sayewakti ngenyudin ican anake ayu punika.
