133
I Made nyuksemaang pisan legan sawitrannya, raris ipun ngateh dane jantos ka jabaan ring margine ageng Mangkin maarep-arepan I Made sareng sawitrannya. Guru Ketut Gunawan mandreng anake bajang ring arep dane, nanging dane tan ngrawes, kasimpen panarkandane!
Motor ageng madaging pantun, wenten petang siki ngrudug, ngudiding ngauhang plaibnya. Pertiwine jantos ngejer antuknya, tambis sakadi ringgung-ringgung pacanga jagate, antuk gredegan motore abot mondong-tatedayan pabrik. Made Sarati majujuk sareng kagejerang antuk motor punika, kenyem ipun.
"Batis iragane gejerang motor; atin iragane gejerang unduke ibi sanja."
Eling ipun ring unduke ibi sore, sinah ipun sane mangkin uning ring pamencanan Ida Sanghiang Widi.
Legan atinnya mawor duhkita. Nene cen ngawinang lega? Saantukan sawitrannya I Dayu Priya tulus utama sakadi rupanida. Sahaput wiakti rupa ring kayun; Ida pacang ngiring ngajengang kagunan Geria Sirikan punika; inggihan ring kayun Ida tan cumpu ring Ida Kade Ngurah, nanging mumpung sampun renteh wacanan Ajinida riin punika sane mangkin kertiangida mangda prasida tan mitia Ajinida ring wacana.
Napi awinannya duhkita? Pagatik manah ring atinya. Kadi atur sang ngardi satua ring ajeng, ring manah ipun misadia susrusa mamanjak ring Ida, sareng ipun ngupadi, nunasang, mangda Ida satata kaicen suka ring kayun. Nanging atinya buat pisan taler mangda--
