121
wengi, wantah maselat antuk galeng guling kewanten, taler tan makripitan ipun. Samaliha kasur punika te peng ring petenge kagenahang antuk jongose.
"Aduh, Luuuh! Dong jelma jenengan I Made tawang, totona mara nirmala bakti, sejati hormat teken anak luh. Bani sing grunyam! Jani mara Yang nawang sejatine. Ipidan tungkul Yang ngenehang sedih Yange, inget sing nganteg kemo makenehan!"
"Ratu, Ratu, wusan Ratu sungsut! Kadung sampun renteh pangandikanida I Aji, wusan Tu sungsut. Sampura Tu, purun titiang langgia matur pamungu ring anggan Ratu; yadiapi seda Atu pacanga, pakardinin-mangda mrasidaang satia Ida I Aji ring pasobaya. Ratu sampun lintang wikan, taler purun titiang mapamungu, inggih pongah titiang, sakadi sesonggan ida dane ring Buleleng, (Beli Made Sarati majarin titiang......) Apa toooo? Aruh lali titiang....mangkin Tu....... Nah ngadep colok ka Pabean, ngadep paku ka gunung, yening turah iraga ring Karangasem, boya ka mawasta 'nasikin segara'. Inggih purun titiang-pongah nasikin segara, nanging sinempuraang ugi Tu. Titiang mangkin ngaturang tutur yening turah ring jaba tutur tuturang titiang; inggih ring Buleleng kocap ring banjar Sekartaji, wenten wau nem sasih sane langkung, wenten wikara. Puniki Beli made Sarati nuturin titiang.
Luh, Luh, di Beleleng beli ningeh orta, timpal
