119
Pinah wenten adasa menit sepi ring kamar, wau I Dayu mawacana. Ni Luh ngusud-ngusud cokor anake ayu tur sareng ipun ngeling; sedih ipun ngeton Gustinnya bekut nangis.
"Luuh, jelap Yang ke gumin Sasake ngisidang sedih; jumah di Sirikan rupa sing ada tongos sedih........"
Ida megat wacana wantah akejep, raris malih ngawitin.
"Tawang I Aji ngendikain I Made sakadi-kadin unduke. Aduh Luuuh, limang tiban I Made nyekeb rusia, pelut baana sekep ken Yang, kenken jag ledoh atinne? Gisu ngempuang Yang, api suba tahu teken paundukan Yange bakal memanjak ka Sunia. Anak muani sedeng tulad laksanane ento; dija ngalih anak muani luihan teken kakene satiane?"
... Nyat waspane, nanging panyingakanida barak, inab puun, Kabatek antuk duhkitanida. Ni Luh Sari tan pisan ipun purun matur, ipun wantah ngusud-usud cokor anake ayu punika.
Wenten pinahan malih 'apakrakan base', Ida Dayu ngandika ring panjeroanida, "Ugas I Madene si dori ka Jawa beneh satata ngintu. Sing lalis ya ngalahin Yang, bantas amenit idepne sing nyak ia ningal Yang; saja Luh! Ugas ento Yang mara ipuanne nawang ayu bakala Yang katur ka Sunia, kaden Yang guyu-guyu, kaden Yang ngulgulin Ida! Aruh bes am-
