111
"Sampunang Ratu nyelsel angga; Tu. Pituduh Kawi sapunika. Yan Ida tan ngiring kayun Ajinina........napi to, rawesang Ida i ketuni..........? Mitiawaca-na Ajanida. Ida ngawinang Ida mitiawacana."
"Lacur sajaan i raga dadi jelma luh di Bali, oo, De! Anggabna gagendingin sangkala, sangkal lacur dadi jalema luh. I meme nyayangang..... i bapa medpedang mati.........!"
"Aruh, Tu! Gagendingan nika ne dabdab. Yakti Tu, masa Ratu tan wenten pawikan, dumun, dumunan ring dumun, ilu, ring Hindu taler asapunika. Anake istri tan paaji irika. Atap pangked anake istri irika yadi api Brahmana istri, Satria istri ring sane Hindi ma-wesin weda, kalingke mayoga, matitis muksa kengin!"
"Saja, De......"
Sebeng I Madene getar. Lega manahnya saantukan sida antuknya ipun nglipurang wiadin nyapuh kaduhki-tanida antuk tutur........... ajahan...............!
"Sangkal kenyem, De. Seneng, oo De? "
"seneeeeng, biiiih, mluab seneng titiange, Tu. Tanjain ? Niki Tu, numbas seneng. Kanti ngadepin I Made Sarati seneng!"
"Aduh De, Da je keto, De! Ituni Made ngasihin Yang, jani Made keto!"
"Da sangkala Ida nyengguhang titiang seneng! Usan ja Ida ngrawesang indike punike. Kangkat Tu, sakit titange, Tu!"
"Aduh, Deeee! Nguda kene iraga ?"
