Kaca:Malancaran ka Sasak.pdf/113

Saking Wikisource
Kaca puniki kavalidasi

105

I Made kedek ngrikgik, wau Ida ngojahang ipun kadi i ketuni.

"Nggih Tu, pireng Tu!

Tusta atisatia Ksitisuta Sita."

"Be, saja pradnyan Made Yanti, De! Nang buin De jumunin!"

"Pih, brag majumu kewanten.

Tusta atisatia Ksitisuta Sita,

ring wana wani tumut

patibrata tuhu

yeka pwa utamaning istri....."

"Nah, lanturang anake............De !"

"Paosin te dumun.............Ida bangga ring Geria Sirikan, nggih Tu."

"De, Yang matakon ja, De ! Sangkal Ni Made Yanti demen mapus-apusan cara prah anak suba suud maseko lah, De? Luung masi, api nu mauruk di Jawa nu rungu gaguritan Bali. Aduh sa jaan pradnyan kekasihan Made ne... Nang De, sesida-sadiaan baan Yang negesin nah De."

"Tusta......"

"Inggih ledang!"

"Atisatia....."

"Tindih Ida karangkung."

"Ksitisuta Sita."

"Ida, ne medal saking pratiwi, maparab Dewi Sita!.

"Be, ngedegin I Dayu..... Sangkal keni antuk?"