103
teteg, Atu, tutug
pantes tatas tur patitis!
Ring angen encepang
Luihe jaba-jero nulus.
Pakincitan Dewa,
sakalane kirangin;
nirguna kahayune tuah
yan jaba-jero tan sapahut...........
I dayu begong, meneng Ida! I Made taler tan purun ngawitin atur punapa-punapi. Sami kantun ulangan ring gendinge i wau, suarane yakti becik pisan...............
"De, De! Sangkal pradnyan pesane anake dini mapus-apusan, De!"
"Nyadang Tu. Titiang nahen ngiring. Ajinatu mawesin....... Aruh, napi wastan gagurotann punika taler wangunan iriki,...........lali titiang. Aduh, ngulangunin Tu........ Ne pireng Ida i wau kantun kingulangunin Tu........ Ne pireng Ida i wau kantun kiku, imbangang ring sane polih pawesin Ajinatu. Ida kadudut antuk suarane ageng, goloh, santer, gendinge yakti ngulangunin, nanging pangawine tuna, Tu!"
"Tiiiih, da ja tan pangrasa, De! Suba tungkulanga aji Sinom, Demung pada, maricadcad Made!"
"Ne pantes sumbungang, alem, Tu. Ne nyandang serutin, wiadin gentosin, gentosin! Lagute irang madue kramane, kaon-kaon taler sumbungang! Malih pidan iraga uning ring raga?"
"Be, be, pantes I Made dadi guru, makejang pelihanga."
