97
run titiang: jabag matur ring Ida?"
"Da sih len-lenanga! Nyak? Nyak ngortain?"
I Made tan masahur nanging manggutan..
"Nah, nyanan sing dogen .ja. Ati-ati!"
"Api titiang tani kelen, uning titiang taler tindih ring munyi!"
"Nah, De, buktiang nyanan!"
"Inggih, nyanan masa ngapung pakayunida! Pak, susu ada? Untuk Nyonya!"
"Selalu sedia, Tuan! Apa lagi kalau ada tamu banyak."
"Banyak untung, Pak?"
"Saya Tuan, adalah sedikit."
"Sudah-sudah cukup, Pak !"
"Nyonya, silahkan!". Raris makaon Mandore ka dapur.
"Ten duka Ida neldel Nyonyahanga?"
"Lacur Yang tua, sing Nyonyahanga!"
"Teen, ten ja santukan Ida lingsir ring prarai. Kadenipun titiang memarekan ring Ida. Gagah sepedah titiang, nggih, Tu?"
"Ganteng baan angin, De!"
"Tangkah titiange bedah, Tu!"
"Nyak, sing nglanturang, ye, ye.........kabilbil I Made!" I Made kedek, wiakti kabilbil ipun.
"Ngiring Tu, kangkat!"
"Lan, De, aruh ngundap Yang bin sep.".
"Madak apang arip, dong buung Ida mataken data - data!" kenten ipun ring manahnya.
