95
I Made Sarati tan masahut. Pliatipun magatik ring panyingak Ida, nanging ipun sakadi munas ledang ka-yunida, mangda sampunang ugi Ida durus mataken.
Ipun maha ring patakenida......... jejep ipun tan sapira.
"Nah, De, jani edengang tulus tresnan Madene. Ma-de sing taen tulus ngortain Yang. Ajak ja nandingin kaduhkitan Yange, nyak De, rasa Made nikul sabahat-bahatne, nimbalin Yang, apang gigisan Yang nandang-in sedih, pakeweh. Yan Yang nagih ngawales, nulungin nyuun............"
"Apa karawesang?" asapunika I Made megat wecanah ida.
"Lamun Ida kedek nyuun nene abot, nyanan aturina batu, nika tikul!"
"Sing, De! Yang sing guyu sing ngrawes!"
"Titiang teleh matur ring Ida. Nyanan rerehanga batu, nika suun; makayun bocok, apang pedel prabun - idane..........?"
I Made kedek, nanging anake ayu panyingakane ngedep, tur latihe cakup.......... Ida mandreng I Made, jantos ipun nguntul.
"Yan Made sing nyak ngaku, Yang diwang pules a-jak I Luh. Pin pangsangkola Yang teken tamiune ento apang adepa, kita ja patutne. Melah baan ningalinyan keto?"
I Made maklatang deweknya malih apisan.
