Ring deke pungkur mapupul lanang istri wang[...] Blanda miwah "pasisir" seosan sami praya tedun ring Ampenan. Sano lanang wenten mamrentahang jongos ngambil pamotretan, wenten nyeluk dompet ngicen pis sen ring i jongos sane ngayahin dane saking dibin[...]
Wenten taler "makasi tangan" ring tuan kapten tuan kapten mamujiang mangda dane "i pasisir" pra[...]sida maliang-liangan ring margi ri kala malon-alon tur pamujine punika kasuksemaang antuk raos "Terimakasih) kapten".
Ring pungkur nyonyahe mapipi barak tur mabibih barak (barake punika sinah papulasan, saantukan kadi ngeling pulas barake riang muanes putih coong) wenten anak iştri Bali adiri, nengteng tas, sakadi rah mangkine, tur pungkuran ring anake istri punika wenten iringan luh.
"Sing nyen ada apa makutang, De?" Asapunika [...] anake istri ring anake lanang ring sampingida taler bajang sakadi anake istri punika.
"Tan wenten, sampun, sabsab titiang i wau. Ring pecak kamar Ratu, taler sampun telas, rauhing galeng budang-badingang titiang"
"De, nyen antiang iraga jani? Sing dadi tuun[...] suba?"
"Punika napi rauh malih palinggihane. I wau sampun bek, mangkin mingkalihin ipun makta buatan"
Rauh sampane kamargiang antuk mesin masuara kadi dekahe, kauber antuk sang nyetir.
