I Drama Gong
matuakan saiaina-raina. SEos malih sakancan bajang jegeg kesir tur kambil dados kurnanipun).
Nengah Modar : "He ... suba tawang ... suba tawang .... Mani Mekele lakar mabuncing."
Ketut Likes : "Kemban? Mekele lakar mabuncing? Ne mara sing wah-wah ... sing wadih-wadih teken anak luh."
Nengah Modar : "Sssssssss... gigisin-gigisin, dingeha...jeg pegat, damang cai."
Ketut Likes : "Kadong suung! Tegarang, ja. Yen sing pelih, suba lebih teken pang 40 Mekele ngalih kurnan, dadi sing wadih-wadih?"
Nengah Modar : "Beneh gati buka pamunyin Ketute. Ngodag-ngodag tingkahe, tuah ja...."
Wayan Kobar : "Apa korahang?"
Nengah Modar : "Ten, ten, Mekele, nenten wenten bebaos nyarca Mekel."
Wayan Kobar : "Saja keto? Sing bobab?"
Ketut Likes : "Nenten, Mekel. Malah sami maosang Mekel becik, adil ngamargiang pamerintahan."
Wayan Kobar : "Aaaaaaaa ... ah,ah„ ah, he, he, he, he .... Ada anak bani teken gelah, Likes?"
Ketut Likes : "Ten purun, Mekel."
Wayan Kobar : "Ha, ha, ha, ha... haaaa, ha, ha, ha, mani ake buin kawin, ake buin kawin, kawin, kawin, aaaaa ... ha,ha.... Modar! kemu orain Pan Dangin, konkon nyerahang pianakne luh. Yen nolak ... pegatang baongne."
Nengah Modar : "Mekel! Sing perlu gusar, terima beres. Yen sing sida... ih, dong ne I Modar."
Wayan Kobar : "Likes ... suba, suba, suba! Yen sing baanga ... jag bakar, ba... kaaar."
Nengah Modar : "Cocok....Cocoooooooook! Da kanti baanga ada sisa, jag tunjel, tunjel apang dadi abu."
69
