Makudang-kudang Drama Baii
Men Bekung : "Ules-ulesne anake cenik ene ngabanin." (suarane sadah alit)
Pan Bekung : "Yen keto, jalan suba ka pondoke."
Men Bekung : "Jalan! Men saange?"
Pan Bekung : "Depang suba, Memene! Lebih pang satus anake mayah. Depang doen suba, Memene!"(mamargi kengin sareng tiga nuju pondokipun)
Pan Bekung : "Ning, madaar, Ning! Memene, jemakang pianake nasi!"
Gede Nyadnya : "Da apa, Meme?"
Men Bekung : "Mimi ... dueg-dueg ngomong. Kanggoang be pesan tlengis! Bapane, tegarang, ja, iseng-iseng petek pipise di penarake. Amongken, ya, maan madagang." (wau kapetek ... jag ngebek-ngebekang jinahe ring penarake)
Pan Bekung : "Memene! Ne ngudiang sing telah-telah baan metek. Terang suba pianake ane ngabanin."
Men Bekung : "Wireh keto, jalan pianake beliang panganggo, kalung, gelang apa!"
Gede Yadnya : "Da, meme! Tiang demen kene! Pipise tambunang dogen,Bapa."
Men Bekung : "Buin mani jalan buin madagang saang. Saange ento di beten klumpune aba."(benjangne semeng sampun Men Bekung ka pasar ngadol saang, anake alit kagandong antuk bapanne)
"Bapanne,tingalin,ja, saange!"
Pan Bekung : "Yih! Apa, ya, misi ento, dadi pasranting?"
Men Bekung : "Mas ento mas, jemak, Bapanne!"
Pan Bekung : "Ngawag-ngawag, nyen ngelah ento?"
Gede Yadnya : "Tiang ngelah. Dadi jemak, aba mulih, Bapa ... Me,jalan suba mulih! Jalan, Bapa, gandong tiang, Bapa! Jalan suba mulih, ne akropak suba ngelah emas-emasan. Jalan!" (ri sedek ipun makeneh-keneh, raris wenten sabda ngantara)
"Me Bekung, Pan Bekung, padingehang.
66
