Makudang-kudang Drama Bali
"Ingetang anake, Bli. Bli tuah manyama buka sepite, yen Bli ngalahin
(I Loji ngeling)
Jati : "Aaaaah, tidong-tidong sambat nyoman, da nangtang baya, kaling baya alih, suba kenehang masi nepukin pakeweh buka jani."
Madri : "Dong da ngeling! Pangidih Bline ... eh, eh, eh... to piara pianak Bline, I Larasati, kalud memenne suba ninggal. Tegarang... te... ga...."
Loji : "Bli!"(Loji ngakebin basangipun Wayan Madra, ngeling masesambatan, raris pianak nyane makedadua nyagjag nenten uning ring unduk)
Larasati : "Pa.... Dija I Bapa, tiang ngidih pipis." (tingkahe binger krana nenten uning ring unduk)
Jati : "Ne pis, Luh, bakal meli apa? Kemu encolang meli... kemu! kemu!" (tadaha nundung)
Yadnya : "Tiang masi pis! Bapa dadi ngeling?"
Jati : "Ne pis ... ne, ne...." (bapanipun manyaruang)
"Nyoman! Dong da lewekanga kenehe! Kemu encolang ngalih kamben putih, jalan suba tanem."
(raris gegeson layone kapendem)
"Ning, Cening Luh ... adine dja? Mai malu! Bapan Luhe anak suba mati! Jani Luh jalan ajak Bapa, bakal nyamaang Cening ajak adine, I Gede Yadnya. Nah, mani puan saget pait getih Ceninge, ingetang painget adine Gede macihna tompel di limane kebot."
Nyoman Loji : "Bapane, suud suba satuaina. Ne, nasine suba lebeng, jalan madaar." (madaar reke ipun sareng patpat)
Baosang mangkin pianak ipune sampun masuk makekalih. Larasati sampun kelas III adinipun, I Gede Yadnya wau kelas I. Raris mamunyi memenipun.
Loji : "Luh! Kotak wadah geripe jemak anake, preksa, suba genep alat-alate. Apang da buka ibi, resa teken bapak guru."
60
