Makudang-kudang Drama Bali
"Larasati"
Olih Ketut Putru
Ring Desa Madukara wenten anak masemeton, sane duuran mawasta I Wayan Madra, kengin adin ipun maparab I Ketut Jati. Wayan Madra madrebe pianak luh sane kaukin ipun Ni Luh Larasati. Pianak adin ipun muani, adanin ipun I Gede Rata Yadnya. Antuk pangamuk bah bedege gembug agung kengin kawastanin, makawinan akeh penduduk Desa Madukara punika padem ngutah mising, layone makutang magenti mara nyihnayang kaon jagate rep sirep kaduluran raung asune ngresresin manah. Wayan Madra rauh somah ipune kandugi padem kasusul antuk adin ipun I Ketut Jati, bangkene matumpuk rauh somah ipun jantos pianak-pianak ipun kakaonin wau mayusa 5 tahun punika I Larasati, 3 tahun tuuh ipun I Gede Rata.
Antuk anget desane dados anake alit sareng kalih ngutang-ngutang raga sambilang ipun masesambatan, tau ring dewek tan pameme tan pabapa. Saget mamanggih taru ageng, irika makakalih mararian kandugi embok ipun I Gede Rata sirep lali ring dewek ipun. Kala punika I Gede Rata ngatonang capung mas tur kajejepin sayan suwe sayan ngedohang. Irika raris Gede Rata macelempung ring pangkunge. Matangi raris embok nyane Luh Larasati mirengang mrika-mriki ngrereh adin ipun, naler tan kapanggih. Sedih kengin Ni Larasati mamargi nglaku-laku, raris kaduduk antuk Sang Dukuh Sakti kaanggen ipun pianak. Jantos bajang Ni Larasati maguru irika ring sang Dukuh ring gunung pasraman sane mawasta Wana Giri. Men adin ipun I Ketut Rata sapunapi? Sedek ungkuh-ungkuh Men Bekung kalawan Pan Bekung ngrereh saang, saget manggihin anak alit baguse mangoyang-ngoyang. Irika I Gede Rata kaduduk antuk Men Bekung kadadosang pianak ipun jantos naler bajang.
Kasuen-suen ipun I Gede Rata kacunduk ring Ni Larasati risedek ngalap sekar pacang adola benjang. Bengong kengin I Gede Rata ngatonang kajegegan ipun I Larasati. Pamulune nyandat gading, rambute nyapu jagat, cecingake lelep manis ngawinang bengong look sang ngatonang. Asapunika naler I Gede Rata rasa-rasa nenten tanah kaenjekin laot manahne macunduk ring mata, sane ngawinang sering ipun rauh ring gunung pasraman. Cutet sampun reke ipun ngubungang wirasa.
Teos mangkin kacrita ring Desa Muntig Munggi wenten bendesa sugihe tan perah. Antuk kasugihan ipun I Bendesa ngawinang ipun nyapa kadi aku. Sadina-dina ipun matuakan, mamunyah, mangapak-apak. Asing-asing anak madue pianak luh jegeg raris kapadik. Sira sinalih tunggal
58
