Makudang-kudang Drama Bali
Sampik : "Aaaaduh,Bapa, mati tiang, mati!"
Suntiang : "Mati, mati, kenken ... timbang cening, adenan Bapa maluan. Atao ajak makejang idup, ooo ... Memene, sesangiang malu. Enggalang te enggalang."
Men Sampik : "Dong madak-madak pianak tiange seger. Tua pekeng aturin guling."
Suntiang : "Memene... mai ja malu, mai ja. Johang-johang. Tong dadi pianake sakit amah desti, kenken teh miara panak. Nyai, nyai saking koos kupingne. Kengken enggal-enggal apang I Cening makurenan. Pragatne leklek desti suba."
Men Sampik : "To buin mangunang uyut. Jangkan amone gelem pianakne. Nah, jani bakal lawan. Apa koraang, kenken miara? Men ditu ... buka kenken abete ngrunguang pianak?"
Suntiang : "Ya orain, awake balikina. Awake tungkul muru gae, men nyai jumah pragat ngamah lonto teken busan-busan ngae kajegegan?"
Men Sampik : "Apa anggon ngae kajegegan? Jangkan kasub demitne I Suntiang, dadi bungan rurung."
Suntiang : "Bungan rurung. Sangkal ada amone ... sing baan ulian demite. Sing kene ... wake bengong teken pianake, sing pesan ada darah wake nyang abedika. I Maluan wake pecundangan anak luh. Ne seken darahnya ini meletan."
Men Sampik : "Suntiang. Nah, darah ibane suba melah. Jani pianake kene, dong amah darahe melah!"
Sampik : "Meme,jawat tiang jele ... nyen orahanga ngelah pianake."
Suntiang : "Memene, keras-keras, kamplang ketoang tendasne."
Sampik : "Aduh,aduh ...."(raris I Sampik padem)
Suntiang : "Cening ... Cening Sampik. Las Cening ngalahin Bapa ajak Memene. Nah, madak-madak cening apang di kadituan nemu kerti Cening, Sampik."
54
