Makudang-kudang Drama Bali
nawang buat kasugihane I Babah Macun saduur tanah sebeten akasa sing ada saman pada."
Pan Ing Tai : "Adi,Memene! Yen keto, I Cening dadi ukur baan arta brana, kenehang Bli, Adi keliru! Adungang anake malu, da jogjog nrima, lamun, ya, I Cening nyak, jalane tuara ... kenken jengah deweke dadi anak tua. Yih ... minab I Cening teka? Kenken, ya, paplajahanne, lulus apa tuara."
Ing Tai : "Meme, Bapa! Tiang sampun lulus, Bapa, lulus tiang, Meme."
Men Ing Tai : "Mimi .... Sadia pesan Meme, telung tiban kalain cening, marasa sepi Meme ajak Bapan ceninge. Dewa Ratu ... iseng tiange sing kodagkodag."(kandungi kurut-urut baun ipun Ing Tai Nyonyah)
Pan Ing Tai : "Jalan ajak mulian pianake, bang nasi malu anak majalan joh!" (raris sareng tiga macelep mulian negak matutur-tuturan, pakedek-pakenyung reke antuk legane tan sipi)
Ceritayang mangkin I Sampik naler rauh malarapan ijazah tanda tamat ring sakolahan.
I Suntiang : "Aduh, aduh ... ne palenan suba liu tiban pianak sing teka-teka uli masekolah. Kenken, ya, jenenga. Kuang sing lulus ... karwan ... karwan! Ru... Ru... Bam! Dija lakuna polone, I Baru?"
Bapa Baru : "Tiang, Mekele Gede! Dadi uyut, napi kuyutang napi...."
Suntiang : "Sing...unduk pianake suba sing bang masekolah, masi masekolah. Men, men pidan lakar dadi bapan bupati?"
Bapa Baru : "Konden tamat dadi bapan bupati? Alon-alon dumun nu buin mekelo."
Suntiang : "Kenken, kenken, buin mekelo? Rugi, rugi ... yen anakang pipise... sing liu dadi panak, panake makan!"
Bapa Baru : "Men, yen suba tamat? Wake anak masesangi ...."
38
