Drama Gong
apang umahe endih tani suluhin. Rurung-rurung makejang mas ... pal. Temboke makejang mabla ... bur... uu."
Kuli II : "I Meme nunu le ... le!"
Macun : "Uih, macem-macem, cai. I Meme nunu lele? Apang cai nawang! Yen gelah suba kawin, bakal katag raja-rajane, makejang kaundang. Ranu-ranu abulan ceped. Nyen bani, nyen ada nglawan! Aaaaaaaaa, ha, ha, ha... idewek mrerod ajak Ing Tai Nyonyah."
Kuli I : "Ngantenne atoang gong macem lima. Kausung baan jempana emas."
Macun : "Jempana emas, jempana emas."
Kuli II : "Mas palsu."
Macun : "Uweeeee... cicing, iba. Chun Sien jlema kurang ajar, ulad-alid, namu-namu, kolera, cacing pita, iba. Mas palsu araang iba."
Kuli II : "Ten,ten, ten... mas tulen."
Macun : "Beneh! Di beten gumine sajaba gelah ngelah, jempana mas, kursi mas, pamoosan mas. Sing kene sing keto, jalan kireang... bersiap-siap lakar ngaba mas kawin. Jalan!"
Kuli II : "Margi, iring tiang." (I Babah Macun kairing antuk rencangne makekalih sregep mas, kain ring bapan memen ipun, Ing Tai Nyonyah)
Pan Ing Tai : "Memene! Ne minab I Cening Macun teka kabih baan kuli-kuline saha larapan ulesne."
Men Ing Tai : Saja pesan to Bapanne, apa iya tau sakonden nyuang pianake mustine nyerahang mas kawin?"
Pan Ing Tai : "Sakewala ane ibukang icang, ento pianake Ing Tai, lamun ya nyak, jalane tusing, kija lantas aba kimude. Ingetang Memene ngaba tanggung
jawabe."
Men Ing Tai : "Ben I Bli,ane keto jejehang, Bli.Yen ane I Cening Ing Tai tolaka, saking jlema belog. Bli sing suba
37
