I Drama Gong
Ing Tai Nyonyah : "Bi...tujuane patuh, Bi... patuh,Bi...."(tan dugi kendel ipun Ing Tai Nyonyah, santukan wenten ajaka matimpal)
Babah Sampik : "Kenken, ya, Baru, dadi kaprapag-kapripig. Naa ... naaa...."
Bapa Baru : "Jeg asuh ... merika, teh. Lawar jukut, lawar godel, jangan takut lawan dogen. Merika!"
Ing Tai Nyonyah : "Tiang naler ka Wan Chin Kota pacang ngrereh sekolahan, ngiring saken mangkin jaga mabesikan, Jro, Anak Lanang."
Babah Sampik : "Jalan! Jalan uli jani mabesikan,jle melah bareng mati apan tujuanne patuh. Uli jani magentos basa, Bli klawan Adi."
Bibi : "Beh, buka pacepukin Widi, nyen madaya buka jani ane kanyepin...jalane ...."(raris makekalih nglinggihin bendi praya nyujuh sekolahan).
PAOS II
(Caritanan mangkin I Babah Macun kiring antuk kulin-kulin ipun kakalih jaga ngencanang panglamar dane ring Ing Tai Nyonyah).
Kuli I : "Be, mai malu, kenken prentah dane, I Babah Macun?"
Kuli II : "Awak pada-pada makan gajih, dadi buin cai matakon teken icing? Kuang pariatna adane ento. Yen tawanga, masemprot cai, Sien."
Kuli I : "Sangkal icang cai takonin, dongke apang da kanti kena semprot. Tulung orain apa and cai tawang."
Kuli II : "Mani puan da bena keto. Nyanan buin, ya, kajaljal 'gede-gede makan gajih lonto'. Kene, ne buin abulan jani dane, I Babah Macun praya nglamar Ing Tai Nyonyah, pianakne Pan Ing Tai."
Kuli I : "Pan Ing Tai, babahd demit ento? Alaaaa.... Ento te lakar mamatua ajak I Babah demit. Len dane.
35
