Makudang-kudang Drama Bail
"Kai tindih teken gumi, tindih teken kapatutan."
Gusti Gde Murka : (Saha, namplak)."Bes liu raos nyaine!"(I Gusti Ayu Ratih labuh ka samping).(Gusti Gde Murka jagi nebek,nanging kagelisan rauh I Gusti Ngurah Jelantik).
I Gusti Ngurah Jelantik: "Yah,ne kenken dadi ada cretcetan getih!"
I Gusti Ayu Ratih : "Paman Jelantik." (Ngraris ngelut batisne sambilanga nangis sigsigan).
I Gusti Ngurah Jelantik : "Dados nangis? Wenten napi ring Puri?"
I Gusti Ayu Ratih : "To, I Gde Murka, sing suud-suud ngae usak gumi.Ida Sang Prabu kaparikosa, nagih sedanga. Para arya liu ane mejuk, paid cicinga ajak sekannyane. Meh-mehan suba matianga!"
I Gusti Ngurah Jelantik : "Sinah Gde Murka dalangne! Uling pidan suba katakeh paitungane. Kewala iraga nu ngalih bukti. Jani suba ngenah laksanane ane corah." (Baosne katuekin ring Pramisuari). "Ida Anake Agung ring dija mangkin?"
Gusti Gde Murka : "Sing nyandang ngibukang Ida Sang Prabu. Ida suba luung linggihne. Jelantik! Yen sadia nyak nuutang papineh Beli, lakar bang tongos ane paling tegeha dini di Semarapura."
I Gusti Ngurah Jelantik: "Momo droakan caine, manutlawan adan caine, I Murka. Ngatisayang tetujon sang sutindih teken gumi. Kai sing dot dadi ratu. Eda patuhanga ambek caine kalawan gelah."
Gusti Gde Murka : "Apa petan caine? Nindihin Sang Prabu? Nindihin gumi? Purine suba benyah latig." (Suara-suara rebut di bencingah, kulkul bulus, suriak mawanti-wanti).
I Gusti Ngurah Jelantik : "Cai pelih paitugan! Kai teka mai singja padidian. Kai matutudan prajurit, ane tindih teken kapatutan. Ane bakti teken Panca Dharma tur sanggup nandingin sekancan caine. Keris tenenan, sujatine Keris Pustaka, ane patut tohin kai dini di Semarapura."
342
