Makudang-kudang Drama Bali
Gusti Gde Murka : "Pelih titiang nandingin ipun, marupa iwang titiang ngiring pakayunan I Ratu. Pinih becik mangda I Ratu sareng iring titiang."
Sangkuni : "Ngiring sareng-sareng rejek dane ring Nusa. Bangayang titiang sane muputang! Genit liman titiange, bedak ngolol keris titiange puniki, nagih nyeret getih Ngurah Jelantik."
Prabu Semarapura :(Menggah). "Jelantik! Nguda dadi cai pelih panampi marepe teken gelah? Dija ya beneh ngatpada teken cai? Dadi mara jani cai bani ngedengang tangkah." (Sangkuni jagi nebek Sang Prabu, nanging Gusti Gde Murka tan ngicen, antuk krejepan). "Paman Gde, nah aba malu Keris Pustakane, kewala da nyen ngendah pelag."
Gusti Gde Murka : "Ndawegang Ratu, Anak Agung, mangda sampunang titiang nirdon suecan Palungguh I Ratu sapunapi rahasian Keris Pustakane puniki rikalaning pacang nuekang marep ring satru?"
Prabu Semarapura : "Kene, Paman! Dahat pingit! Sing dadi gelah ngawerayang teken anak len! Melah suba jani dabdabang prajurite makejang! Gelah lakar ngarepin Ngurah Jelantik. Antosang malu akesep, Gelah lakar mataki-taki." (Ngaranjing). (Gusti Gde Murka sareng Sangkuni nginkinang daya upaya, mabaos kisi-kisi).
Sangkuni : "Gusti Agung! Sakaturunane sampun sayaga ring pamengkane. Ngantos wangsit kemawon."
Gusti Gde Murka : "Nah, jani suba Cai dini ngoyong! Gelah lakar ngebug uli dori!"
Sangkuni : "Gelisang, Gusti Agung! Napi malih jantosang!"
Gusti Gde Murka : "Unus keris! Yen Sang Prau nglawan, lambungne tebek!"
Sangkuni : "Inggih, Gusti!" (Sang Prabu medal. Gusti Gde Muka gelis negak. Sangkuni nyagjag nyungnyungang kerisnyane sane sampun maunus ring dadan Ida Sang prabu).
340
