II Drama Bali Anyar
"Kija jelemane?" (Ngandika sada keras) "Tantri iiiiiiii,...."
Tantri : (saking doh) "Titiang Ratuuuu...."
Prabu Semarapura : "Aba mai maman kedise!"
Tantri : "Inggih Ratuuu...."
Prabu Semarapura : "Enggalang abedik!" (panyeroane rauh makta maman paksi). "Dadi jag nengil dogen I Petak. Kudiang nyai, ia."
Tantri : "Nawegang Ratu, titiang tan uning."
Prabu Semarapura : "Aaaaah, belog gati, Nyai. Kandepin ia uli tuni?"
Tantri : "Sampun Ratu."
Prabu Semarapura : "Kenken, pesaut jelemane. Tawah-tawah! Adi nrawang saan, pasaut jlemane. Ngudiang nyai ngilgil."
Tantri : "Je-je-je-jeh, RRR.. Ratu."
Prabu Semarapura : "Apa?"
Tantri : (Ngetor ngijik). "Jejeh, Ratu."
Prabu Semarapura : "Jejeh? Apa kajejehin, kaden nu lemah. Ada maan, leak, bojog masiluman?"
Tantri : "Nenten Ratu. Ratu Istri taler jejeh. Ragane sedek nangis ring pungkur."
Prabu Semarapura : "Bengong, gelah. Apa ane takutin. Makejang tawah. Tantri! Aturin Ratu Istri apang mai!"
Tantri : "Inggih Ratu, titiang nunas mapamit." (Kipek ingang).
Prabu Semarapura : "Nu lemah, jejeh, yen apajejehina. I Petak masih keto. Milu-milu jejeh."(I Gusti Ayu Ratih rauh, busanane sumprang-sampring). "Kenken Ratih, adi cara anak kecud seming? Apa jejehin Adi? Kaden nu lemah?"
I Gusti Ayu Ratih : "Ipian titiange dibi sande kaon pisan, Beli Agung."
Prabu Semarapura : "Ngipi? Tain pedeman bakat gugu. Ento ane
337
