II Drama Bali Anyar
panjak-panjake ditu. Kenken daging surat Ida, Anake Agung, eda Ngurah tuara ngiringang."
I Gusti Ngurah Jelantik : "Beli Gde! Manut ring janji wiadin sumpah tiange ane suba mantuke ring Ida Anake Agung, sing kapatutan anak lenan ngaturang Keris Pustakane punika. Yen tiang pet nyerahang teken Beli kadi munyin surate, kasinahane tiang long tekening janji. Sang ksatria tan wenang nitia wacana, agung dosanika. Tiang sing bani mamurung sumpah.""Rarisang dumun tuake."
Gusti Gde Murka : "Yen ento buin raosang Ngurah, ipidan Ida, Anake Agung sing nu tegteg pakayunane, ne, jani? Ane saratang Beli tuah karahajengan Ida, Anake Agung. Pelengan Janine, janji kalawan sumpah sing ada undukne. Buktine, Ida, Anake Agung suba obah ngaha pakayunan. Buina apang Ngurah milu ja ngrasayang kasengsaran panjak-panjake di Kusamba. Ane tawang Beli, tuah keris Pustakane tenenan ane bisa ngilangang grubuge."
Sangkuni : "Titiang nglungsur sane digelis, mangda pamaran geringe enapan." "Tan kodag antuk titiang madalem panjak-panjake ring Kusamba. Sampun telah daya upayan titiang matetulung nanging sami nirdon. Sane mangkin sabinaning Keris Pustaka punika. Indik dosa, baosang Palungguh I Gusti banggiang titiang newek jagi natak. Kadung pitung turunan titiang nemu kaon rauh sopari sentanan titiange, titiang nyadia."
I Gusti Ngurah Jelantik : "Nah, amun suba keto, tiang nyerahang Kerise ento. Nanging, ada piwekas tiange amatra. Apang Kerise ento unus di ajeng Ida Anake Agung."
Gusti Gde Murka : (Ica). "Buat ento da Adi sangsaya. Beli sing bani tulak teken pituduh Adi, reh Adi silih tunggil, sinengguh Arya kasta kara sutindih ring kasengsaran panjak, bakti ring panuhunan."
Sangkuni : "Doh pisan ring Sri Pramisuari. Puput ngardi pinungkan Sang Prabu, pingkalih pakewul
333
