Makudang-kudang Drama Bali
Sangkuni saling sledetin)."
Sangkuni : "Nawegang Gusti. Napi malih Ida Jagi nyurat, reh ring pakayunane sampun nenten becik. Titiang gumanti manggihin duk Wane nyurat. Kadi gegisonan pisan."
Gusti Gde Murka : "Saja pesan, Ngurah. Ida, Anake Agung sing nyidayang ngudiang. Ane nabdabang gumine jani sumasat pramisuarine. Jani Ngurah apang milu ja mikayunin unduke maglanturan panjak-panjake. Apang sing nganti swabawan Purine ilang."
I Gusti Ngurah Jelantik : "Ooooooohhh, keto?"
Gusti Gde Murka : "Beli sing ja ngawi-ngawi. Beli lemah peteng di Puri."
Sangkuni : "Titiang sane ngiring Gusti Agung. Sumasat kapah mapamit saking Puri. Aduh, dekdek lidek manah titiang, kangen ring Ida Anake Agung. Yening upamaang titiang, sekadi samonge sane sampun pawah. Napi malih mangkin, Ida. Sri Pramisuari sampun kasub reh-rehane. Sane dumun duk Ida lunga ka Kusamba, kairing antuk wang jerone, titiang polih salah tampi ring manah. Adung cingakin anake alit-alit, sami nyakitang basang."
Gusti Gde Murka : "Laut saja lantas mapuara, gumine di Kusamba grubug. Liu anake suba ngemasin mati. Beli sing suba bisa makeneh, ben beloge anggon Ngurah nyama."
I Gusti Ngurah Jelantik : "Grubug?"
Sangkuni : "Patut, Gusti! Titiang nunas tulungan mantuke ring Palungguh Gusti." "Manawi Ida, Sri Pramisuari polih panugran saking Ratun grubuge iriki."
I Gusti Ngurah Jelantik : "Ah, eda ngraos keto. Ila-ila! Nyen duka Ida Betara Ratu Gde dini."
Gusti Gde Murka : "Nah, jani sanget Beli mapangidih, pedalem ja Ida, Anake Agung wiadin gumine ditu di Kusamba apang sing nganti makelo kasengsaran
332
