II Drama Bali Anyar
mai. Nah, énggalang dabdabang!" (Cokot sareng timpalné ngatur genah, raris mapamit).
I Gusti Gde Murka : (Rauh sareng Sangkuni). "Bendésa! Pedasang! Ento adané yéh mamunyi! Rasa bekan tanah bekan langit liangné. Mirib rasang guminé tuah gelahné."
I Gusti Ngurah Jelantik: "Ah, sing madaya. Kadén nyén. Adi sing ada wangsit? Nah, negak malu! Né, nyén." Sangkuni
Sangkuni : "Titiang parekan Palungguh I Gusti. Sangkuni, Bendésa Adat Kusamba."
Gusti Ngurah Jelantik : "Nah, negak Bapa! Beli Gdé, sedang rahina piodalan jagaté iriki. Bina ring sané sampun- sampun. Rarisang nginem!" Gusti Gdé Murka
I Gusti Gde Murka : "Oh, arak keras. Apa buin dampingina tekén bajang-bajangé. Sing nyen munyahin." (Nginem) "Beli mrasa lega, Ngurah nyidayang mapikolih mapawangun dini di jagat Nusané. Mara matan Beliné nepukin, panjak-panjaké dini saja pesan kenehné mapawangun."
Sangkuni : "Banget bina pisan ring sadurungé Palungguh I Gusti malinggih iriki. Titiang uning pisan, mangkin angob ngantenang wewangunané."
I Gusti Ngurah Jelantik: "Kéné Bapa. Tiang cara don lima, kéwala ngebonin dogén. Pamekas, panjak-panjaké dini. Yén batas ada wangsit dibi wiadin di puan, Beli lakar teka mai ngajak Bapa Bendésa, sing katundén panjak-panjaké di pesisi mendakin. Minakadi bajang-bajangé. Buka jani, da nyén Beli salah tampi marep tekén panjak-panjaké dini."
Gusti Gde Murka : "Sing ja ento bobotang Beli di ati. Pamekas, legan Ngurahé. Apa buin panamiyané amun dadoyan Beliné pesan."
Sangkuni : "Titiang taler asapunika. Napi malih saking sué tan polih nginem tuak Nusa."
I Gusti Ngurah Jelantik: "Batas tuak, arak, berem, aprau nyidayang ngalihang." "Rarisan nginem! Telasang, kanti
329
