Makudang-kudang Drama Bali
antuk meledne, I Sampik raris mapamit ring meme bapan ipun saha bekel ngimpir pisan.
Mangkin kocapang Ing Tai Nyonyah nrima tutur-tutur becik ring meme bapan ipun santukan jaga masuk naler ring Wan Chin Kota, santukan ipun maraga anak luh, mula sukeh seos ring anake lanang. Mapamit reke Ing Tai Nyonyah saha magentos pakean, wastra klambi lanang kengin kamuat anggen ngabuin sang ngatonang lamakane ipun slamat. Ring tengahing margi kacunduk ipun ring I Babah Sampik, kandugi ipun makenalan kasinahane tatujone pateh, nika raris ngamehiang janji "jele melah bareng mati".
Mamargi reka makekalih nyujur sekolahan ke Wan Chiu Kota, tur mabesikan kengin genah pamondokane. Seleg reke makekalih nutut pepelajahan jantos makekalih kasayangang antuk gurun ipun. I Sampik tan uning ring naya (Ing Tai maraga luh), Ing Tai Nyonyah ngresek ring manah "lemah peteng medem bareng" naler sesolaan ipun I Sampik kalangkung dimgu belog tur polos. Demen ipun Ing Tai Nyonyah tan dugi-dugi, nanging I Babah Sampik mapi tani tan, jantos meweh ipun I Nyonyah,kandugi ngelarang naya singid "pulese kabeletin sabuk". Nyen ja ngliwatin bates sabuk, ia danda. Kapiarah asapunika olih I Nyonyah, raris I Sampik ten purun nolak. Kancit rikala peteng, I Sampik keni dosa, santukan sikil ipun risedek pada pules ngliwatin wates sabuk tur nimpahin Ing Tai Nyonyah. Antuk jujur polos ipun I Babah Sampik raris kataur dosan ipun.Ing Tai Nyonyah nenten puas-puas, santukan nenten madaging ring idepne tur masesimbing, sering raose gempel magegeretan, naler I Sampik tuara ngarti, jantos inguh paling Ing Tai Nyonyah tau ring dewek nenten katimpalin.
Sedek raina anu ipun makekalih lulus ring sekolah tur sampun polih ijazah nyihnayang tamat ring pepelajahan. Sadurunge budal, iriki raris ipun makekalih mlali-lali. Manahne Ing Tai Nyonya wantah niki pacang ngamargiang kasempatan. Rauh ring taman bunga anggen Ing Tai sasimbing baos, ring danune, belibis luh muani anggena anggit-angitan. Naler I Babah Sampik degeng tan gunjir manah ipim apan tan pisan uning ring ipun Ing Tai Nyonyah maddwdk luh. Macelep ring kamar, gambar jegeg bagus anggen ipun Ing Tai penarik idep. Naler I Babah Sampik tan uning ring naya. Pamuput muntar reke manah ipun Ing Tai Nyonyah, nenten takut kakedekin raris kabusbus pakean nyane wantah kwacane anggen ipun angkeb angen (serira), rambut merempiah nglangkungin silit, pamulune nyandat gading, jantos I Babah Sampik bengong mapangsegan kengin ngatonang kajegegan dane Ing Tai Nyonyah, raris kelawan-lawanin mapajar antuk nyud nyane, daging ipun "ngawit rauh mangkin I Sampik
24
