II Drama Ball Anyar
Sakit panjaké, iraga masih milu ngrasayang. Apa dogén panadin ratuné tan mapanjak?"
I Gusti Ayu Ratih : "Nawegang Beli Agung, indik atur titiangé iwau. Tan madaya Palungguh Beli Agung kahanan sungsut."
Prabu Semarapura : (Mangu-mangu). "Ratu Betaranapiiwang titiangé. Napi iwang panjak-panjak titiangé, ngantos keni gering agung. Napi? Icénin panjak-panjak titiang wara lugraha, mangdéné sida digelis mamanggih karahajengan, kadi sané sampun-sampun. Aksinin pangubakti titiangé, sekala niskala mantuké ring ajeng Paduka Betara."
I Gusti Ayu Ratih : "Puniki waluya gegodan, mantuké ring Palungguh Beli Agung."
Prabu Semarapura : "Bes, madurgama patuh tekén ngarepin musuh gedé. Adénan suba masiat puputan lawan musuh sakti, padayang tekén ngarepin bayané buka jani. Pamekas ané cenik-cenik, tondén nawang kangin kauh nepukin baya."
I Gusti Ayu Ratih : "Bilih, wiakti asapunika, pinih becik gelisin mapaica pitulungan. Mangda sampunang sayan ageng pamaran ipun, napi malih sampun katah sané ngamasin padem."
Prabu Semarapura : “Ngudiangtusing! Paman Murka ngajak Sangkuni Bendésa Adat Kusamba suba muktiang."
I Gusti Ayu Ratih : "Ratu Beli Agung! Sampunang jag linggihina atur Paman duéné, Gusti Murka. Rereh dumun bukti-buktiné! Manawi lali Palungguh Beli Agung ring indiké sané sampun lintang. Biyuté irika ring Gélgél, Pangsan, Jumpai, miwah sané sios-siosan. Wantah Gusti Murka sané makardi. Ngujuk-ngujukin soroh wang taninė mangda ipun ngarebutin tanah asing sugihan. Ipun sareng sekannyané purun nyanjiang duman tanah anak sios marepéring sang tiwas. Samaliha, laksanané satata ngawé sangsaya di ati."
Prabu Semarapura : "Da ngaraosang ané tidong-tidong."
321
