Makudang-kudang Drama Bali
"Sapunapi, Ratu? Dados bengong? Manawi sarat pisan pakayunané." (sang Prabu Semarapura, meneng). "Manawi sampun waneh ring déwék titiangé? Dong, nikayang mangda titiang uning. Dados meneng?"
Prabu Semarapura : (Kari meneng).
I Gusti Ayu Ratih : "Tulia titiang ngraos ngajak togog. Indayang sinahang napi sané ngranayang." (Salah tampi). "Sajan anak muani! Sing pragat tekén anak luh dadua tatelu. Asing magoba bakat dotang. Ratu, Beli Agung Déwan titiang, puniki sampun lintang wengi. Pinih becik makolem! Titiang tan luhung rasané sirep padidian." (Prabu Semarapura puput meneng). "Ngiring masenakan!” (Sumingkin sungsut). "Sapunapi kawiaktiané Palungguh Beli? Manawi ngantos anak bajang jegég? Nikayang amun patutné! Titiang pacang mapamit saking Puri, yéning sampun wénten pacang ngentosin. Yadian wengi, titiang purun. Banggayang sampun titiang mapamit wenginé mangkin. Beli Agung! Aduh, Déwa Ratuuuu! Pasti, I Gdé Murka totonan ngelah gaéné né. Rerembugané sinah ngraosang anak bajang-bajang jegég. Mula dasar muani kaung. Dasar I Gdé Murka. Sing nawang peteng lemah ngulgul anak sirep. Beli Agung, titiang mapamit mangkin!"
Prabu Semarapura : (Katos medal wecanané). "Da nyengguhang ané tidong-tidong! Beli sedeng ngenehang panjakpanjaké di Nusa tekén di Kusamba kénkén ya lakar panadiné. Grubugé bah bedég. Siunan panjaké ngemasin mati, sing sida katulungan."
I Gusti Ayu Ratih : "Sapunapi? Panjaké keni ngrubug?"
Prabu Semarapura : "Beneh! Sing ja tomplok anak luh bajang jegég. Kala mretuné sing kena agemin, ané lakar nyabut urip iraga. Yén akéto kénkén rasan idep Adiné?"
I Gusti Ayu Ratih : "Aduh, padalem titiang guminé ditu." "Padalem panjak-panjaké ané kasengsaran."
Prabu Semarapura : “Urip paniaké sing bina lawan idup iragané,
320
