II Drama Bali Anyar
Sané siosan ring marginé, mengkeb ring témbok panyengker puriné. Cutet sampun sami sayaga!"
Gusti Gdé Murka : “Antiang malu! Da jani! Déwasané tusing melah! Keris Pustakané kénkén ja baan ngéka daya, apang bakat. Wiréh ento maka panempuran satru."
Sangkuni : "Napi wenginé puniki?"
Gusti Gdé Murka : ""Tusing!"
Sangkuni : (Sebet). "Kantun taler Palungguh I Gusti biapara mapikayun! Wenginé puniki pinih sela! Genit liman tiangé! Niki napi!" (Ngédéngan keris uli saputné). "Sampun sadia jaga ngorok Anaké Agung!"
Gusti Gdé Murka : “Da cai tulak teken pituduh gelah! Yén cai makeneh sadia, tengilang bunguté! Jalanang pituduh gelahé! Tundén prajurité malipetan, nanging apang nu sayaga! Énggalang!"
Sangkuni : "Inggih, Gusti, titiang ngiring." (Majalan cara anak jada-jada).
Prabu Semarapura : (Medal, macecingakan kébot tengawan, rasa sangsaya). "Sangkuni dija?"
Gusti Gdé Murka : (Meréngang). "Nikain titiang nahunin para baliané sami! Mangda wenginé puniki sami sampun sayaga!"
Prabu Semarapura : "Beneh ento! Né surat, bang ja I Jelantik!" (Nyerahang surat).
Gusti Gdé Murka : "Titiang ngiring Ratu! Salewiring pakayunan, margayang titiang! Titiang ngalungsur pamit." (Majalan). (Sayan ngawengiang, suaran suling dahat ngulangunin, Prabu Semarapura bengong, mikayunin idik baya grubugé ring Kusamba wiadin ring Nusa. Sekadi anak sungsut, meneng cara togogé lolohin).
I Gusti Ayu Ratih : (Medal, saha rambut magambahan, busanané kirang becik. Sambilanga ngucek-ngucek panyingakan, raris nampekin Sang Prabu).
319
