Makudang-kudang Drama Bali
dadi pangemong jagat. Ento karanané asing-asing pidabdab ané lakar ngaé karahayuan jagat patut rembugang malu, apang melah je tepukin di mani puané. Buka grubugé jani."
Gusti Gdé Murka : "Mangkin dumun. Joh sawat pakayunan Palungguh I Ratu. Nénten mikayunin kawiaktiané kadi mangkin. Nirdon, sapengarauh ipun kaula duéné I bendésa kadi mangkin, satmaka madéwék saksi indik bayané bantas aselem kuku, kantun nganggé tetimbangan ring pasamuan. Kirang tegas mapikayun."
Sangkuni : "Daging atur pakeling titiang, mangda sampunang bayané ring Kusamba wiadin ring Nusa, ngalalah ka Puri. Napi raris panadosan panjaké pingkalih angga-angga duené?"
Gusti Gdé Murka : "Beneh pesan ento!"
Prabu Semarapura : "Gelah lakar muktiang!"
Gusti Gdé Murka : "Bukti napi malih Ratu! Bantas indiké amuniki! Picayang ring titiang! Kadi mapan tan prasida. Palungguh I Ratu meneng kemaon ring Puri! Ngarumrum i ari ring pakoleman!" (Nyeréré Sangkuni). "Ampura Ratu Anak Agung. Pacang rauhin titiang sami baliané irika ring Kusamba, sané sakti-sakti ngendih. Tan sué sinah sida pacang empahan antuk titiang."
Prabu Semarapura : "Nah, luung masih kéto. Kéwala tekedang tekén panjak-panjaké makejang, apang nunas ica ka Widi, ngaturang bantas canang di Kayangan Tiga, nunas sasuuk di Pura Segara, masarana benang tridatu miwah umbin jangu! Ento apang anggona gelang wiadin kalung! Apang ajak makejang! Bilang tanggun désa makebiog, nangken Kliwon, ngerebeg ngilehin wates desa! Suang-suang di Sanggah Kemulan, nyejerang daksina! Gelah maserah tekén Paman."
Gusti Gdé Murka : "Titiang nyuun pisan pakayunan Palungguh I Ratu. Bilih, boyané ring Kusamba sampun enapan, titiang ngraris ka Nusa, ngamargiang
316
