II Drama Bali Anyar
puser sukaretan awig-awig ané suba majalan luung tur patut sajeroning suanegaran iragané. Kénkén, dadi Paman pelih panampi? Kangen gelah ngenehang." (Pekantenan degdeg). "Nah, né araké malu inem pangda kadinginan. Arak uli Nusa. Jaan pesan." (Pada nginem arak, saling talektekan, pada-pada ngaresepang reraosan). "Nu masih Paman tondén ngaresep. Nu masih sengsaya tekén Panca Dharma dasar panegara iragané. Apang mabesikan di keneh Pamané gelah jani buin negesang. Panca Dharmané ento ngarangkus unduk rajaniti, pidabdab jagat wiadin tata laksana kahidupan panjak-panjaké makejang. Dadi masih anggon serana, seraya kanti marep tekéning panegaran lénan. Penegaran iragané sing mailon kema, tusing mailon mai, tusing ngalih musuh. Iraga tetep nyujurang silih asih, nindihin kadharman seduur tanah, betén langit."
Gusti Gdé Murka : "Ampura Ratu Anak Agung. Patut kadi baos Palungguh I Ratu. Sakéwanten wau marupa angen-angen. Wau bantas marawat amatra. Nanging, durung janten pacang digelis ngawéntenan pasehan kadi wecana. Yan tan margayang, taler kantun, sera panggang sera tunu, bon ipun pateh."
Sangkuni : "Patut Ratu Anak Agung. Titiang pateh sakadi pakayunan Gusti Agung."
Prabu Semarapura : "Sing je kéto! Moksartem jagat ita! Rahayu sekala niskalané ungsiang, madasar ban Panca Dharma. Yén iraga nganti dasar panegaran iragané ténénan pasti suba lakar uug, panjaké lakar magaburan, mamati-mati masiat ajak timpal. Apa buin iraga sing percaya tekén Ida Sang Hyang Widhi. Béh-béh, sing ja melah lakar tepukin. Lakar uug magalanturan. Tingkahé ané corah, ané lakar anggon ngarebut gumi, mimpas pesan tekén Panca Dharma, ané ngutamayang rerembugan, Apa buin demen ngaé pisuna buine linyok tekén awig-awig jagat! Béh, nirguna pesan
315
