Makudang-kudang Drama Bali
Palungguh I Ratu ngéga mungguing I Jelantik? Majiwa Panca Dharma? Nénten nyen ipun ring reraosané kéwanten setinut, nanging ring manahé mabina? Asapunika taler prajuru sané tiosan, tunggal ring pakenehan ipun I Jelantik? Soroh ipuné punika, mungguing Panca Dharmané wantah ring raos kéwanten tan ngateg ring ati. Doh para pacang ngelimbakang kadi tatujon pekayunan Palungguh I Ratu. Titiang sampun uning Panca Dharmané punika mamuat luwihing suksa mautama (Paliatné ngenger, nlektekang Sangkuni). Nanging, during sida ngameretaning rata sepanjak I Ratu agung alit. Maka cihna, kantun ipun labak gelintungan." "Sané sugih, ngencot sugih, sané tiwas kamati-mati naanang basang layah, sétsét paseranting, sisin marginé. Manawité atenga langkung panjak I Ratuné sané tiwas nékték, mawit saking panyangsaran jadma sané sugih pingkalih mawangsa luwih sekancan ipun. Nawegang Ratu, Anak Agung, kalintang akeh titiang matur maungu, paresangga purun, riantukan kawiaktian asapunika." (Nyeréré Sangkuni). "Sarat pinunas titiang, bilih sida panjak-panjaké mangda rata-rata, serasa panestis. Mangda sampunang kadi sinonggan: sané tegeh nyukcuk langit, sané éndép mati teteh timpal. Ucap agamané sinah nénten mamargi, inggih punika tatwamasi. Mangda sampunang katungkul antuk akon-akonan."
Prabu Semarapura : "Nah, suba karesep ban gelah raos pamané. Kéwala gelah nu minehin. Yén lakar nguak isin Panca Dharma, waluya nungkas kapatutan dedayan panjak. Karanané ada Panca Dharmané ento, ulian kapatutan dedayan panjak. Cara alas lawan singa, pada saling ngemong. Asing-asing patut ngalaksanayang Panca Dharma tur nindihin. Apa awanan kéto! Sawiréh Panca Dharmané serana panunggalan idep panjak, janji mautama miwah tetujon wewangunan iragané. Buina Panca Dharmané ento waluya
314
