II Drama Bali Anyar
ja ipun I Jelantik kéwanten, daging ipun I panjak sareng sami. Tan i panjak makardi linggih I Ratu tan wénten pikenehnya. Napi malih titiang."
Prabu Semarapura : "Beneh pesan raos pamané. Kéwala, asing-asing marupa pakéweh, ané rue ban minehin, sing dadi tuara tangar wiadin waspada. Buka mamancing di telaga iragané ané misi tunjung. Kénkén baan, pangda yéhné puek pangda tunjungé buut, béné apang bakat."
Gusti Gdé Murka : "Daging pakayunan Palungguh I Ratu? Napi tan ngéga indik kasengkalan panjaké ring Kusamba, pamekas ring Nusa."
Prabu Semarapura : "Gelah patut suréksa, natasang malu."
Sangkuni : "Napi malih Ratu? Riantukan tanda bukti sampun sinah." "Titiang purun masumpah, boya ja misuna, Ratu."
Gusti Gdé Murka : "Ampura, Ratu Anak Agung, sasuhunan titiang, Palungguh I Ratu. Asapunapi kaluihan ipun I Jelantik néwék marepé ring panegara. Pingkalih, mantuké ring Puri Semarapura? Bilih tan wénten ipun asiki, manawi siuan polihngarereh pangentos ipun, ané sumanggup pacang ngambilin tegak
ipuné." "Sampun mabukti pisan ipun ngardi kasengsaran panjak, duaning wénten kadi mangkin."
Sangkuni : (Nyeréré Gusti Gdé Murka). "Madaging kadi baos, Gusti!”
Gusti Gdé Murka : "Sampunang Palungguh I Ratu bes ngége prajuru duwéné bangsan ipun I Jelantik sané maguwunin maembuh-embuhan, mapunyahan, tan mari nyakitin panjak."
Sangkuni : "Janten sampun mangambek raksasa murka. Boya ja maidep ngardi karahayuan jagat napi malih
pacang mapewangun. Janten sané asapunika nguangunan mala petakan jagat."
Gusti Gdé Murka : Ratu Anak Agung, kangen manah titiang miragiang atur ipun I Bendésa. Napi kantun
313
