II Drama Bali Anyar
Mangdené sampun titiang papag kapanggih, maosang kémaon marasa jering bulun kalongé. Semalih panesé kadi mangkin ngentak-entak, ngantos kapegatan toya, manawi té pangaci-aciné kapegatan, pura-pura tan kapirunguan."
Prabu Semarapura : "Jani, yén pét teked lantas gering grubugé ka Bali, kénkén pidabdab Pamané?”
Gusti Gdé Murka : "Sinah sampun panjak-panjaké mamangguh kasengsaran, wewangunané pacang mandeg. Napi raris padadosan Puriné? Betara Betari janten menggah pamiduka.”
Prabu Semarapura : "Man, idep Pamané?"
Gusti Gdé Murka : "Mungguing manah titiang becikan karanané sapuhang."
Prabu Semarapura : "Kénkén isin raos Pamané?”
Gusti Gdé Murka : "Tan sios, ipun I Jelantik, raksasa murkané punika. Patut pademang, wiréh agung dosanipuné."
Prabu Semarapura : "Ah!"
Gusti Gdé Murka : Nguda nénten, Ratu! Titiang ngiring Palungguh I Ratu tan wénten malih makepa pacing ngardinin karahajengan ring jagat Semarapura. Nyadia ngecorang getih nindihin Palungguh I Ratu. Yéning umpamiyang titiang, Palungguh I Ratu rumasat segara, titiang waluya tepinyané. Aad mancuh toyan segarané punika nénten dados belasang kayang kawekas."
Prabu Semarapura : “Nah, mara kapineh ban gelah.”
Gusti Gdé Murka : "Banggayang titiang sané muputang."
Prabusemarapura : (Mapikayun). Sajroning sang Prabu mapikayun tan payamuga wénten anak rauh tangkil, angkihané noos, pakantenané kadi anak jejeh.
Sangkuni : "Mamitang lugra Ratu, Anak Agung, Betaran titiang, Palungguh I Ratu. Titiang rauh tangkil wit manah karaman, riantukan kalangkung ngeres manah titiang. Semaliha jering-jering bulun
311
