Makudang-kudang Drama Bali
banjaré. Buine, Trikaya Pari Sudhané patut limbakang sadina-dina, wiréh ento dasar idupé dadi manusia, anggon ngulati sukané jani, suka riwekas, nganutin tatwa agama."
I Gusti Ayu Ratih : "Inggih Ratu. Ngantos lali titiang. Nurusang puniki arak saking Nusa."
Prabu Semarapura : (Nginem arak) "Béh, né mara ya arak adané. Makebieng rasané. Nanging ada masih ngalahang. Ayu nawang? Sing je lén tuah kemikan bibih Ayuné." (Ica)
I Gusti Ayu Ratih : (Mapi-mapi kimud) “Aaaaah, sané tidong-tidong baosang Ratu."
Prabu Semarapura : (Ica) "Setata liang keneh Beliné nganggon Ayu prami dini di Puri Semarapura. Satsat bungan keneh Beliné." (Ica). "Ratih-Ratih, inan jegégé!" (Kongkongan asu) "Nyén ento mirib teka."
Gusti Gede Murka : (Rauh ngékedaya). "Mamitang lugra, Ratu Anak Agung, Betaran titiang, palungguh I Ratu."
I Gusti Ayu Ratih : "Oh, Paman Murka! Mai dini negak."
Gusti Gde Murka : "Ratu Anak Agung, titiang pamit."
Prabu Semarapura : "Men kénkén, Paman? Mirib ada sarat pesan raosang tekén gelah."
Gusti Gde Murka : "Matur sisip, Ratu, Anak Agung. Sarauh titiangé kadi mangkin, paresangga ngaturang gatra kalintang kaon."
Prabu Semarapura : "Kénkén! Maija paekang!"
Gusti Gde Murka : "Mangkin Jagat Nusané keni grubug lan bedég, Ratu."
Prabu Semarapura : "Kénkén, grubug?"
Gusti Gde Murka : "Patut, Ratu! Siunan panjak I Ratu ring Nusa ngemasin padem. Sané kantun maurip sami kasayahan tur jejeh ngeri."
Prabu Semarapura : "Men, kénkén dadi buka kéto!"
Gusti Gde Murka : "Yan kamanah antuk tambet titiangé, tan sios
308
