Makudang-kudang Drama Bali
Gurun Gede : "Aduh, ...sapasira ya jadma muaniné punika?"
Tamiu : "Yén sing ada uli jumah dini, sinah ya ané mlegadang ia tuni."
Gurun Gede : "Manawi... Napi daging suraté punika, Ratu?"
Tamiu : "Isiné, kéné. "Nama Luh Putu Latri, istri dari Ir. Madé Sukada, alamat Banjar Pandé Denpasar. Jika ada keperluan mendadak, harap cepat hubungi alamat di atas". "Nah, ... monto dogén isiné, kabenengan tiang baanga masi maca. Buat adané séhina dadi Luh Latri, tusing ja tiang ngrunguang, sawiréh sinah pesan ia keponakan tiangé. Tan ngitungang apa buin, laut tiang ngojog mai."
Made Sukada : "Aduh yan kéto, tiang lakar kema malu Bapa",
Nyoman Sukerni : "Mémé milu, Madé!"
Made Sukada : "Da suba mémé milu, apang tusing nglantudin di jalan."
Gurun Gede : "Sing luungan bareng-bareng kema buin kesep, Made?"
Made Sukada : "Sing kena baan Bapa, saget perlu pipis anggona meli ubad."
Gurun Gede : "Melah masi kéto. Buin kesep Bapa ja ngetut kema."
Made Sukada : "Titiang mapamit dumun, Ratu."
Tamiu : "Nah énggalang kema apang tusing kasep. Gelemné abot pesan." (Madé Sukada, matinggal)
Gurun Gede : "Ratu, indayang nikain titiang, sapunapi indikné riin dados I anak ngambul asapunika suéné?"
Tamiu : "Nah... kéné Bapa, kéto masi Mémé. Duk I cening suba ngenjek sekolahan SMP, pagubugané kaliwat onyah pesan, sakéwala ya tusing nglanyir. Sing masi tiang nyalahang, krana makejang sarwa
298
