Makudang-kudang Drama Bali
Kéné suba panadiné gumi Baliné dadi pagubugan pariwisata. Saja, pagubugan turisé liu ané mapuara kamelahan arep jagat lan rakyat, upama: pikolih jagaté ngancam ngaliunang, pangupa jiwa I rakyat sayan limbak, kéto masi seni budayané idup mokoh di padésan. Lénan tekén ento jelékné masi liu, sinalih tunggil, dagang luhluhé. Ento awanan, I rakyat ané setata ubek turis, sandang pesan penpenin tutur-tutur agama apanga tekek baana ngraksa déwékné wiadin ragané."
Undagan 2
(Gedé Sura, mindon I Gedé Murdana sané saking I tunian negak ring sisian, sarauhé saking maserep, raris macelep majarang wénten tamiu sané rauh).
Gede Sura : "Beli Gedé...ada tamiu."
Gurun Gede : "Tamiu...? Sedeng makalukan kakéné ada tamiu. Nah orahin mai!" (Gedé Sura manggutan, raris medal. Wus punika sang tamiu ngranjing).
Tamiu : "Jero, tiang matakén akidik? Patut désané puniki mawasta Banjar Pandé?"
Gurun Gede : "Patut,... patut."
Tamiu : "Patut iriki puriné Gurun Gedé Murda?"
Gurun Gede : "Inggih,... tiang sampun."
Tamiu : "Bih ... sandang becik pisan. Tiang niki saking Singaraja."
Gurun Gede : "Antuk linggihé?”
Tamiu : "Tiang ida bagus. Adan tiangé Ida Bagus Sanu, uli Gria Tengah dajan pasar Singaraja."
Gurun Gede : "Aduh, dewa ratu, ... dong surya niki? Durusang, ... durusang, malinggih. Sinampurayang pisan buat katambetan titiangé matur. Sapunapi, manawi wénten buat pisan pangarauhé."
Tamiu : "Nah, kéné Bapa, kéto masi mémé, ... né nyén, Bapa?" (Nujuang ipun I Madé Sukada).
296
