Makudang-kudang Drama Bali
Nyoman Sukérni : "Ah... nah Beli." (raris ipun magrésoan ngungsi).
Madé Sukada : "Bapa ... kénkén yén sadokang ka kantor polisi, apang tusing énggalan joh pangungsiané."
Gurun Gede : "Yén sadokang, buin mani bisa masuk surat kabar. Buka tungkub gumi Baliné nawang méh-meéhan nganti teked ortané ka Surabaya. Amat ya kesel tur lek atin Madené."
Madé Sukada : "Saja ja keto, Bapa...nanging yan tusing I déwé masadok, satmakayang I déwék tuara nawang hak-hak warga Negara, ané kamulan patut di benengan kénéné I dewek ngidih wantuan polisi."
GUrun Gede : "Beneh,...beneh pesan munyin Madéné, nanging utsaha ané lénan malu jalanang. Pamuputné, yén sing ja prasida, musti kema I déwék masadok."
Madé Sukada : "Lantas... sadokang ka klian atawi ka prebekel?"
Gurun Gede : "Keneh bapané, melahan nyama-nyamané malu wangsitin, ajak maserep apang silib."
Made Sukada : "Nah melah masi kéto, Bapa. Lamun kéto, jalan bencah jani pajalané."
Gurun Gede : "Man,...Beli maserep maluuuuu. Melahang ngijeng jumahhh... kancing-kancing jelanané. Masan jani... anak lemah-lemah liu malinge pasliwer nyaru-nyaru dadi dagang rambuttttt.
Paos Kaping Kalih
(Kacrita mangkin ring umahé Wayan Lumut, ring Désa Ubung. Genah umah ipuné, ngelangsut ring tengah sawahé tanggun désa sisi kaja. Sepi pisan ring genahé punika, santukan durung wénten pisaga-pisagané sané nguangun ring wewengkon umah ipuné. Saking tengah umahé punika kapiragi tangis anak istri ngiris manah. Anak istri punika tan sios ipun Luh Putu Latri sané kaplegandang olih I Nyoman Mangkok, sané ngangken dados pelayan toko. Ipun I Mangkok sané mangkin nyantos ring sisian magebagan, jagi pacang nguangsit yéning wénten pangetit. Suryané sendeh ngawangang).
286
