I Drama Bali Anyar
Undagan 6
(Tan pasangkan, sagét rauh ipun Nyoman Sukérni padidian, nénten mababaktan, tur neten kasarengin olih Luh Putu Latri. Ngantenang pangrauhé asapunika, banget makesiong ipun sang kalih, tumuli raris matakon sada bimbang).
Gurun Gede : "I,... ngudiang padidian teka... Luh Putu dija?"
Nyoman Sukérni : "Luh Putu, ...ngudiang tiang takonin? Kadén ia jumah dugas tiangé pesu?"
Gurun Gede : "Aa, ...da ké branggi."
Made Sukada : "Saja mémé, da ké ngrangying kéto."
Nyoman Sukérni : "Dadi jlema ngranying. Apang jengker mémé tusing nawang."
Gurun Gede: "Dong, seken Nyoman tusing ada ngorahin ia, apang mapag ka toko?"
Nyoman Sukérni : "Apang tusing selamat,...tusing...tusing ada."
Made Sukada : "Aduh... sengkala gedé nepén tenénan, Bapa."
Gurun Gede : "Ratu Bhatara, ...dados maweweh-weweh lacur tiangé."
Nyoman Sukérni : "Aduh sinah ada anak ngejuk...ada anak mlegandang suba ia. Kéweh pesan dadi jlema jegég, liu pesan bajingan-bajingané pada ngintip. Penyakit Jakartané suba ngelahlah mai."
Made Sukada : "Mai, énggalang sadokang ka kantor polisi, apanga tusing énggalan kasép Bapa."
Gurun Gede: "Nden ... tegtegang... tegtegang bayuné ajak makejang. Iraga idup tuah nylipuk gegodan. Yén sing koné maan gagodan, tusing idup adané, kéto tutur anaké lingsir-lingsir. Man, kema malu ka sanggah nunas ica ring Kawiné, apanga I raga ajak makejang icéna kaselametan. Yéning tuara ada canang, dupa dogén nyitin. Anak mula di pelengan kénéné, perlu pesan I raga ngentegang keneh, apang tusing magaburan panadiné. Nguda ngonyong memegeng?"
285
