II Drama Bali Anyar Surabaya. Nah...jalan lanturang satuané."
Madé Sukada : "Kéné Bapa...né ké anak satua koné. Krana tiang ngorahang koné, sawiréh né munyiné I luh dogén, tusing bakat baan muktiang kasujatiané. Koné,...ia lekad di kota Singaraja pitulikur tiban ané malu."
Gurun Gede : "Dadiné, kelihan ia tekan Madé?"
Madé Sukada: "Kelihan ia buin duang tiban. Suba kéto...yan kasambat jani, ia madan panak bebinjat, sawiréh tusing ngelah bapa."
GUrun Gede : "Aduh...nguda bisa kéto?
Madé Sukada: "Méméné beling dugas enu murid SMP. Tur belingané tusing ada anak muani ngangkenin. Di subané ía lekadanga, lantas ia pakidihanga tekén ibu bidané di rumah sakit ané kabenengan tuara ngelah panak."
Gurun Gede : "Bih, ...dadi ati pesan. Apa méméné ento tusing ngelah kulawarga wiadin penyamaan?”
Madé Sukada: "Tusing kena baana nuturang neked kema. Miribang tiang, makejang panyamaané nundén ngutang belingané totonan."
Gurun Gede : "Kabungkul dosa poloné. Dumadak karmapala apang cicih. Lautang...lautang lanturang."
Madé Sukada : "Disubané koné ia matuuh patbelas tiban, laut mati méméné."
Gurun Gede : "Mémé bidané?”
Madé Sukada : "Aa." "Sesubané totonan, ia ajaka ka Surabaya olih bapa angkatné ané suba pensionan kantor pengajaran. Koné,...terus tutuga ia tekén lacuré, sawiréh disubané atiban ditu, mati bapa angkatné. Sekat ento idupné kluntang-klantung...nganti dadi pegawé hotél."
Gurun Gede : "Dadi hostés, koné?"
Madé Sukada : "Nyén Bapa ngorahin, ...mémé?"
Gurun Gede : "Tusing... ia... Wayan Otar, kanténan bapané."
283
