Makudang-kudang Drama Bali
Undagan 4
Gurun Gede : "Jroné pacang ngrereh sira?"
Nyoman Mangkok: "Adan tiang Nyoman Mangkok. Tiang nikaina makta surat olih ibuké deriki." (Tamiuné raris nyerahang surat punika).
Gurun Gede: (Ngawaca suraté punika ajebos, raris ipun ngomong malih). "Dé ... né surat uli méméné. Putu tundenanga mapag ka toko. Kema kaukin ia malu."
Made Sukada: "Nah, Bapa." (Macelep).
GUrun Gede: "Jroné saking napi?"
Nyoman Mangkok: "Wit tiangé saking dusun, sakéwanten mangkin tiang makarya dados pelayan ring toko "Aneka Jaya" Jalan Gajah Mada."
Gurun Gede: "Mangkin, kurenan tiangé, dong irika nyantos?"
Nyoman Mangkok : "Nggih... santukan akéh matumbasan."
Undagan 5
(Madé Sukada sareng Putu Latri ngranjing).
Putu Latri : "Wénten napi Bapa?"
Gurun Gede : "Né, ada pabesen uli méméné, kemu koné papagin ia ka toko "Aneka Jaya" di Jalan Gajah Mada."
Nyoman Mangkok : "Ngiring tiang ja ngandéng. Tiang anak makta onda."
Gurun Gede : "Nah...kéto luung masi. Beliné mara pesan teka uli Tabanan, sinah ia leleh."
Made Sukada : "Saja luh." Kema suba magandéng ngajak bapaké ténénan. Beli kenyel pesan."
Putu Latri: "Nggih, tiang mapamit dumun, Bapa. Beli, kalahing tiang malu." (Raris medal kairing baan I pelayan toko)
Made Sukada : "Béh...apa ya belina I mémé."
Gurun Gede : "Miribang Bapa, lakar aba-abaan cening ka
282
