Makudang-kudang Drama Bali
anaké cara ngajak anak. Biasaang kénkén ja anaké manyama."
Putu Latri : (Makenyem kimud). "Nggih Beli Wayan. Deriki dumun, tiang jagi ngalebengan." (Putu Latri raris ipun macelep).
Wayan Otar : "To,... to, ...nu masi ngraos alus." "Beli...."
Gurun Gedé : "Kénkén, Wayan."
Wayan Otar: "Béh, dengél pesan mantun Beliné." Tuah ja Madé Sukada anak mapunya bagusné. Semara Ratihé masanding."
Gurun Gedé : "Nah... Wayan ngelah dogén satua."
Wayan Otar : (Pelíatné sada neraang, sekadi wénten sané pacang ingetang ipun)."Beli Gedé...."
Gurun Gedé : "Kénkén Wayan?"
Wayan Otar : "Dumadak ja apang tusing tiang salah liat. Rasayang tiang, anak taén tawang tiang mantun Beliné. Sing di Surabaya bakatanga?
Gurun Gedé : "Aa."
Wayan Otar : "Magaé di hotel?"
Gurun Gedé : "Béh... unduk jajemakané ento tusing tawang Beli."
Wayan Otar : "Apa dogén taén satuanga I Madé, unduk lelintihan kurenané?"
Gurun Gedé : "Sambatanga kurenané ubuh mémé-bapa, tusing ngelah kadang nyama braya, tur magaé di hotel. Umah dogén ia ngontrak. Ento awanan dugasé nyuang, Beli tusing ja ngaluku cara dini, sawiréh ia tusing ngelah nyén-nyén. Kangen pesan Beli madingehang."
Wayan Otar : "Beli,... satondené, tiang ngidih sinampura arep Beli. Dumadak ja apang tiang salah liat. Kéto masi dumadak satuan tiané, tusing nyakitin kayun Beliné dini ajak makejang. Kéné undukné Beli."
276
