Makudang-kudang Drama Bali
Latri : "Nggih Bapa."
Wayan Otar : "Lanturang buin bedik rerembugané Beli."
Gurun Gedé : "Nah,... apa buin?"
Wayan Otar : "Sujatiné, nganut awig-awig KB-né,akuda anaké
dadi ngelah panak?"
Gurun Gedé : "Paling liu patpat.Ané manis batu tatelu, sawiréh amonto dogén maan tanggungan pamerintah
jani. Tetujoné apang jagaté tusing énggalan bek.
Kala ditu, I raga tusing lakar kuangan sandang
lan pangan. Lénan tekén ento, ané pinih utama,
pendidikan Ian kesehatan I sentana sinah
terjamin."
Wayan Otar :"Aduh, ... tiang buin sepala kaliwatan."
Gurun Gedé : "Ané suba kadung, depang suba. Jani ané menék
ngancané sentana-sentana patut tuturin, apang
tusing malomba ngaé panak ngajak bikulé."
Wayan Otar : "Na,... né,suba ané perluang tiang. Kenkén abet
tiangé nuturin, apang sing tiang tungkasa tekén
raré-raré cara janiné."
Gurun Gedé : "Orahin ia, buat unduke ténéan anak suba pakayun pemerintah republik gelahé, ané lakar
ngardi jagaté apang landuh. Tur, tusing lempas
tekén awig-awig hukum lan agama."
Wayan Otar : "Panglingsiré di désa lén pesan pakayunané Beli.
Buiné danéné di désa liunan ané ngaga tuturé
ento."
Gurun Gedé : "Kénkén totonan,"
Wayaan Otar : "Koné, ... yan iraga nguatesin ngardi panak,
patuh satmakané iraga ngangasin déwék arep
pitara-pitariné ané lakar numadi. Ento makrana
piterané ngrubéda, lantas kabreberhan jagaté,
gering, grubug ngleplep."
Gurun Gede :"Ah, ... pitara kénkén mamaksa nagih numadi.
Saking ja I manusa ané ngawi-ngawi jalaran,
anggota nekep kamomoané ngulurin kama
indriané. Apa gunané para leluhuré magarang
274
