II Drama Bali Anyar
Wayan Otar : "Ngudiang Beli nyak nyongkolin tain kebo?"
Gurun Gedé: "Para panglinsiré ngelah itungané. Buina... Beli anak mamisan ajak méméné jani. Yén tuara kéto, nyén anaké nyak nekepin kajelékané?”
Wayan Otar : "Béh,... saking ja polos Beliné mapunya. Lantas, ... ulihan Beli ngudiang tusing ada sentana?"
Gurun Gedé : "Lacur Beliné kalintang. Beli bekung. Saking ja uli leluhur Beliné, mula ketil pesan ngadakang sentana. Beli dogén menyama padidian."
Wayan Otar : "Priksang anaké tekén Dokter Manuaba. Pasti prasida...sakéwala sesariné mael."
Gurun Gedé : "Béh, yan buat maubad-ubadan tusing sandang buin raosang, makudang-kudang balian lan dokter ané suba selupsup Beli di wewengkon Baliné, masi tuara nyidayang. Anut pangandikan Dokter Manuabané, koné bekung Beliné ténénan tusing dadi ubadin."
Wayan Otar : "Imbok kénkén?"
Gurun Gedé : "Bah, ...yén ia, pasasur dadi mamanakan. Nanging, ia milu-milu masi ngaé bekung aji suntikan. Yén kénkén jua nyetné."
Wayan Otar : "Ais, ... dong ada suntikan ngaé jubeng Beli?"
Gurun Gedé : "Alikan guminé cara Janiné, ngaé apa dong anaké bisa. Lénan tekén ento, liu masi ada ubad wiadin pakakas ané ngranayang bekung. Bagian urusan KB-né ané mesuang."
Wayan Otar : Béh... yén anom bajangé wiadin murid-muridé maan ubadé buka kéto, sing buut guminé Beli?
Gurun Gedé : "Sinah, ... sinah, pesan. Sakéwala bapak-bapaké baduuran anak suba wikan. Ubadé lan pakakasé ento anak pingitanga pesan, apanga tusing usak moral truna bajangé. Néndén malu, ... miribang Beli, né mantuné teka. (Raris ipun madengokan saking jendélané) Béh saja. Putu... ngaé kopi dadua... manis besik, pait besik." (Putu Latri saking puaregan masaur).
273
