Makudang-kudang Drama Bali
satmakayan I déwék nyakitin padéwékan. Di dasar negaran iragané masi ada mungguh ané madan."
Wayan Otar : "Na, yén perikemanusiaané ento, suba sai dingeh tiang tur suba apal."
Gurun Gedé: "Sing ja bantas tawang tur apal dogén. Yén buat ngapalan dogén, murid kelas telu és dé bisa. Nanging, pamekasné... sing laksanané apang anut ngajak munyiné?"
Wayan Otar : "Beneh suba jani di désa-désa rakyaté tusing demen ningehang pidato-pidato ané kruna manisné. Apa perluné I rakyat, meled nyaksinin bukti-bukti ané seken arepe tekén kapentingan rakyat. Sing kéto Beli?"
Gurun Gedé : "Kéto suba." Pidato wiadin penerangan ento perlu masi, yan suba ya mabukti. Né ke anak suba mabukti di pakurenan beliné. Tresnané I Madé Sukada arep tekén Beli, anak lebihan padaang tekén méméné."
Wayan Otar : "Ndén malu, Beli." Sinampurang, mabalik kuri patakon tiangé. Sujatiné, nyén bapané I Madé? Ipidan dingeh tiang ja magaburan ortané di jalané. Sakéwala ya tusing matutuk-mabongkol. Jani pamekasné, apang ja saking satuan Beli tawang tiang. Kénkén Beli... dadi Beli engsek? Néh dong tara, patakon tiangé nyakitin tangkah Beliné. Sinampurang pesan Beli, dipradéné patakon tiangé ngranayang sungsut.
Gurun Gedé : (Makenyem). "Sing, ... Beli sing ja sebet. Apa kasebetin... tur apa perluné makebang. Makejang ida danéné dini pada nawang. Sakéwala ya ada liunan ada bedikan ané uningina. Beli ké tuara tatas pesan. Maluan tekén totonan, koné ia taén masi ngaba belingan. Yén nyén jua bapané... tau-tau belingané totonan ilang. Selang sawetara telung tiban, buin ia ngaba belingan ané patuh ceritané tuara ngelah bapa. Nah, ... belingané ané durian ténénan, Beli terpaksa ngangkenin."
272
