II Drama Bali Anyar
yadiapin panak tumin, anak patuh baan miara cara panak pagelahan. Kalingané ké Beli tusing ngelah panak ulihan getih padidi, dingelahé Beli sing lakar mabina-binaan."
Wayan Otar : "Bih, ... langah sidiné Beli."
Gurun Gedé: "Ah, ... sidi sing ya mula langah." Yén sing langah, tusing sidi adanné."
Wayan Otar : "Sajan Beli. Langah anaké ngaba papineh buka Beli. Yéning suba madan panak tumin, jeg suba nandang sengsara idupé. Celepotanga suba ia tekén reramanné."
Gurun Gedé: "Jani, ... I déwék ané mawak tua, patutné bisa ngaba basang lantang. Da jeg ngulah ngulurin liang majangkut ngajak bapané wiadin méménné. Apa sih dosané I pianak tumin. Dadi sesata ia tusing bang beneh? Nirdon magama adané I déwék dadi manusa."
Wayan Otar : “Miribang tiang... dipelengan totonan, kalahanga agamané tekén indriané."
Gurun Gedé : “Béh, busan cai dueg. Dadi jani mabalik belog.”
Wayan Otar : "Kénkén ento Beli."
Gurun Gedé : "Tusing ada agama kalahang indria. Ané ada, I manusa ané karangsukin tur kajajah olih sang indria."
Wayan Otar : "E, ...saja. Kéto suba keneh tiangé ngorahang."
Gurun Gedé : (Kedék) “Béh, ... baud, ... baud, cai Wayan. Buin abesikné kéné Wayan. Beli matingetin bedik, sing kékén baan, saget cai mani puané nepukin idupė buka kéto, apanga cai inget tekén tutur tat twam asiné."
Wayan Otar : "Bih, ... raos apa ento Beli?"
Gurun Gedé : "Artiné, tusing pesan I déwék nyakitin sekancan sarwa numadiné di jagaté. Apa kawitan iragané mula besik. Gumanti mula saking Ida Hyang Prama Kawi. Yén I déwék nyakitin anak,
271
